Semeıde baspana kezeginde qansha adam tur
Semeıde kópbalaly otbasylarǵa jeńildik sharttarymen 35 mln teńgege 5 shaǵyn nesıe berilgen. Turǵyn úı satyp alý úshin bastapqy jarna retinde 1 mln teńge sertıfıkattaryn berý arqyly 75 kópbalaly otbasyna qoldaý kórsetildi. Bul jaıly halyq aldynda esep bergen qala ákimi Baqytjan Baıahmetov málimdedi.
«Semeı boıynsha memlekettik turǵyn úı qorynan baspana alýǵa kezekte turǵan azamattar sany 12 535 adamdy quraıdy. Onyń ishinde kópbalaly otbasylar sany – 1 039. Qazirgi ýaqytta shaharda 75 kóppáterli úı qurylysy júrgizilýde», - dedi ol.
Baqytjan Baıahmetovtiń aıtýynsha, ótken jyly 202,2 myń sharshy metr turǵyn úı salynǵan.
«Osy jyldyń sońyna deıin 263 myń sharshy metrden astam turǵyn úıdi nemese 2 268 páterdi paıdalanýǵa berý josparlanyp otyr. Bul kezekte turǵandar sanyn birshama azaıtýǵa múmkindik beredi», - dedi ákim.