Semeıde azyq-túlik baǵasynyń ósýine jol bermeý úshin 200-den astam memorandým jasaldy

SEMEI. QazAqparat – Semeı qalasynda áleýmettik mańyzy bar taýar baǵalarynyń jáne turaqtandyrý qorynan jemis-jıdek pen kókónisterdi jetkizý maqsatynda memorandýmdarǵa qol qoıyldy, dep habarlaıdy QazAqparat.

«Qaladaǵy dúkender men saýda oryndarynda azyq-túlik jetkilikti. Turaqtandyrý qory da óz jumysyn jalǵastyrýda. Saýda nysandaryna jemis-jıdekter men kókónisterdi jetkizý boıynsha 43 memorandýmǵa qol qoıylǵan. Sol jerlerde ár taýardyń baǵasy 77 teńgeden aspaıtyn bolady», - deıdi Semeı qalalyq kásipkerlik bólimi basshysynyń orynbasary Anjela Maslova.

Sonymen qatar shaharda áleýmettik mańyzy bar 19 túrli azyq-túlik baǵasynyń ósýine jol bermeý úshin 208 memorandým jasaldy.