Semeıde avtobýs júrgizýshileri eki aptada 256 ret ereje buzdy

SEMEI. QazAqparat – Semeı qalasynda avtobýs júrgizýshileri sońǵy eki aptada 256 ret ereje buzdy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, sońǵy eki aptada shahar boıynsha «Avtobýs» jedel aldyn alý sharasy júrgizilgen. Mundaǵy maqsat – qoǵamdyq kólikterdi jáne jolaýshy tasymalyn júzege asyratyn júrgizýshilerdi tekserý, jol erejesin buzýdyń aldyn alý.

«Shara qorytyndysy boıynsha polıtsııa qyzmetkerleri avtobýs júrgizýshileri tarapynan jasalǵan 256 buzýshylyqty anyqtady. Onyń ishinde manevr jasaý erejelerin buzý boıynsha – 34, tehnıkalyq baıqaýdan ótpegen avtobýstardy basqarǵan – 12 adam jaýapqa tartylǵan», - dep habarlady vedomstvo ókilderi.

Sondaı-aq 32 júrgizýshi rýlge otyrǵan kezde telefon paıdalansa, 4 qoǵamdyq kólikte zańsyz qaıta jabdyqtaý faktisi tirkeldi.