Semeıde aýqymdy abattandyrý jumystary júrip jatyr

<p>SEMEI. KAZINFORM - Abaı oblysynyń ortalyǵy mártebesine ıe bolǵaly Semeıdi sur ári qyzyqsyz qala dep ataý qıyn. Munda jańa qoǵamdyq keńistikter ashylyp qana qoımaı, kópqabatty úılerdiń qasbetteri retke keltirilip, jerasty ótkelderi jóndelip, qyzyqty taqyryptyq mýraldar kóbeıgen.</p>

Memleket basshysy Qasym-Jomart Toqaev osy jyldyń sáýir aıynda kóshelerdi tazartý, eldi mekenderdiń aýmaqtaryn kógaldandyrý jáne abattandyrý jónindegi naýqandy bastaýdy tapsyrdy. 

Abaı oblysynyń ákimshilik ortalyǵynyń kósheleri jańa tústermen jarqyraýy úshin ótken jyldan bastap Semeıde qasbetterdi keńinen jóndeý bastaldy. Osy jyly 36 kóppáterli turǵyn úıdiń qabyrǵalaryn jańartý josparlanǵan. Qalanyń turǵyn úı ınspektsııasy bóliminiń basshysy Dıana Shaıahmetovanyń aıtýynsha, qala ortalyǵyndaǵy úıler, sondaı-aq oń jaǵalaýda da, sol jaǵalaýda da magıstraldardan alys ornalasqan úılerdi syrlaý jumystary jasalmaq. 

- Jumys qasbetterdi jóndeý, tegisteýdi, sodan keıin qasbetti boıaýdy qamtıdy. Turǵyn úı qatynastary týraly Zańǵa sáıkes biz qalaǵa sáýlettik kórinis beretin úılerdi ǵana qamtı alamyz, - dep atap ótti Dıana Shaıahmetova. 

Foto: Abaı oblysy ákimdigi

Qasbetterdi jańartý kestege sáıkes 15 sáýirde bastalyp, 1 tamyzǵa deıin jalǵasady. Eger merdigerlerdiń jumysy eskertýler týdyrsa, olar kepildik mindettemeler sheńberinde olardy joıýǵa mindetti. 

Foto: Abaı oblysy ákimdigi

Sonymen qatar, Q.Muhamedhanov kóshesindegi jerasty jáne jer ústi ótkelderin jóndeý josparlanǵan. Jerasty ótkelindegi jóndeýden basqa, belgili mýzykant Batyrhan Shúkenovti eske alý týraly sheshim qabyldandy. Qazir munda birneshe qabyrǵaǵa sýretter salynyp, onyń kompozıtsııalary shyrqalady. 

Foto: Abaı oblysy ákimdigi

- Qazir jumys bastaldy. Tehnıkalyq erekshelikke sáıkes, jerasty ótkelinde ishinara mýraldardy beıneleý, mýzykalyq súıemeldeýdi uıymdastyrý jáne jaryqtardy aýystyrý josparlanýda. Sonymen qatar, jer ústi jaıaý júrginshiler ótkelinde lıft pen shatyrdyń polıkarbonat jabyny aýystyrylady,- dedi jolaýshylar kóligi jáne avtomobıl joldary bóliminiń bas mamany Erik Shaǵanov.

Sondaı-aq, vandalızmge jáne qoǵamdyq tártipti buzýǵa qarsy beınebaqylaý kameralary ornatylady. 

Foto: Abaı oblysy ákimdigi

Semeı qalasynyń ortalyq kóshelerin kógaldandyrýǵa jáne abattandyrýǵa arnalǵan taǵy bir joba – Máńgilik el kóshesindegi qoǵamdyq keńistikti abattandyrý, Arbattyń jalǵasyn uıymdastyrý kózdelgen. Barlyq jumystardyń aıaqtalýy mamyr aıynyń sońyna josparlanǵan.