SEMEI. QazAqparat. Semeı qalasynda ataýy joq dańǵylǵa QR Tuńǵysh Prezıdenti Nursultan Nazarbaevtyń esimi berildi, dep habarlaıdy QazAqparat tilshisi.
Osyǵan oraı Shyǵys Qazaqstan oblysynyń ákimdigi men máslıhatynyń birlesken qaýlysynyń jobasy daıyndaldy.
«Semeı qalasynyń Qaraǵaıly yqshamaýdanyndaǵy ataýy joq dańǵyl Nursultan Nazarbaev dańǵyly dep atalsyn», - delingen qujatta.
Aıta keteıik, dańǵyl Qaraǵaıly yqshamaýdanyndaǵy «Semeı-Pavlodar» tasjolynan bastaý alady. Sol jaǵynda kópsalaly mádenı-sport kesheni, Nazarbaev Zııatkerlik mektebi, al oń jaǵynda jańadan boı kótergen turǵyn úıler men balabaqsha ornalasqan.
Osyǵan deıin Semeıde ataýy joq dańǵylǵa Elbasy esimin berý usynylǵanyn habarlaǵan bolatynbyz.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.