Semeıde áskerı bólim qyzmetshileri qar shyǵarýǵa jumyldyryldy
14:30, 08 Qańtar 2023
ASTANA. QazAqparat - Tótenshe jaǵdaılar mınıstrliginiń 68303 áskerı bóliminiń áskerı qyzmetshileri Semeı qalasynyń kóshelerinen qar shyǵarýǵa jumyldyryldy, dep habarlaıdy QazAqparat.
Qardyń kóp mólsherde jaýýyna baılanysty Semeı qalasynyń kóshelerin qar basty.
Jergilikti atqarýshy organdardyń ótinishi boıynsha 2023 jylǵy 8 qańtarda saǵat 09:10-da TJM 68303 áskerı bóliminiń áskerı qyzmetshileri aldyn alý jumystaryn júrgizý úshin qar shyǵarýǵa kiristi.
Qazirgi ýaqytta 150 tonna qar shyǵaryldy. Qalanyń ortalyq kóshelerinen qar shyǵarý jumystary jalǵastyrylýda.
Foto: t.me/qr_tjm