Semeıde «Asyl Mıras» aýtızm ortalyǵy ashyldy

<p>8 jeltoqsanda Bolat Ótemuratov Qory Abaı oblysy ákimdigi qoldaýymen Semeı qalasynda (Qaraǵaıly yqsham aýdany, 78) 13-shi &laquo;Asyl Mıras&raquo; aýtızm ortalyǵyn ashty, dep habarlaıdy Kazinform.&nbsp;</p>

Qazaqstannyń ár aımaǵynda ashylǵan aýtızm ortalyqtary 9 jyl ishinde 16 myńǵa jýyq aýtıstik spektrdiń aýytqýlary bar (ASA) balalar erte aralasýdyń alty baǵdarlamasy boıynsha tegin bilim aldy.

Foto: Abaı oblysy ákimdigi

Jańa ortalyq jylyna 300 balany qamtýǵa múmkindik beredi jáne balalarmen jumys isteýge 15 maman tartylady. Sabaqtar aýtızm standarttaryna sáıkes «Aýtızm. Barshamyzǵa bir álem» 6 ınterventsııa baǵdarlama aıasynda ótkiziledi. Qazirdiń ózinde 7 kabınet jıhaz, qural-jabdyqpen jáne oqý-ádistemelik quralmen tolyq jabdyqtalǵan. Ár balamen jumystyń bir tsıkli 3 aıǵa sozylady jáne dıagnostıkalyq nátıjeler negizinde jeke tańdalady. Ortalyqqa tirkelý úshin tirkeýdi rastaý jáne psıhologııalyq-medıtsınalyq-pedagogıkalyq keńestiń (PMPK) qorytyndysy qajet.

Bolat Ótemuratov Qory tıimdiligi dáleldengen erte anyqtaý men minez-qulyqty túzetýge kómektesetin zamanaýı tehnologııalar men tájirıbelerdi keńinen paıdalanyp keledi. Qor Kalıfornııa ýnıversıtetindegi Kasarı zerthanasy, Atlantadaǵy Markýs aýtızm ortalyǵy jáne Autism Speaks halyqaralyq uıymy sııaqty tanymal kásibı mekemelermen seriktestikti jalǵastyrýda.

Foto: Abaı oblysy ákimdigi

Abaı oblysynyń ákimi Nurlan Uranhaev Semeıde aýtızm ortalyǵynyń aýtıstik spektrdiń aýytqýlary bar balalardyń damýy úshin qoǵamǵa qoljetimdi orta qurýdaǵy mańyzdy qadam ekenin atap ótti. Sondaı-aq ol mańyzdy jobalardy júzege asyrýda únemi qoldaý kórsetip kele jatqan Bolat Ótemuratov Qoryna alǵysyn bildirdi.

Keshe Bolat Ótemuratov áleýmettik jobalardyń asyrylýyna zor úlesin qosqany úshin «Jyl metsenaty» marapatyna ıe boldy.

Foto: Abaı oblysy ákimdigi