Semeıde aralda qalyp qoıǵan 2 adamǵa qutqarýshylar kómekke keldi
11:51, 27 Shilde 2021
SEMEI. QazAqparat – Semeı qalasynda araldan qaıta almaı qalǵan 2 adamǵa qutqarýshylar kómekke keldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 26 shildede qutqarýshylarǵa Semeıdegi Nahalovka aýdanynan shaqyrtý tústi. Onda 2 er adam Ertis ózeninen aralǵa deıin júzip ótip, keri qaıta almaı qalǵan.
«Qutqarýshylar oqıǵa ornyna jetip, olardy jedel túrde qaıyqpen jaǵaǵa jetkizdi. Qazir er adamdardyń ómiri men densaýlyǵyna eshqandaı qaýip tónip turǵan joq», - dep habarlady vedomstvo ókilderi.
Osy rette, departament mamandary óńir jurtshylyǵyna óz kúshin asyra baǵalaýdyń qaýipti ekendigin eske saldy.