Semeıde áleýmettik mańyzy bar azyq-túlik satylatyn 8 pavılon jumys istep tur
Qalalyq Kásipkerler bólimi basshysynyń mindetin atqarýshy Ámına Syzdyqovanyń aıtýynsha, áleýmettik mańyzy bar azyq-túlik baǵasyna kún saıyn monıtorıng júrgizilýde.
«Baǵany turaqtandyrý maqsatynda saýda nysandarynyń basshylarymen 15%-dan aspaıtyn saýda ústemesin qoldaný týraly memorandým jasaldy. Aımaqtyq turaqtandyrý qorymen qala úshin 3100 tonna jemis-kókónis ónimderi satyp alynǵan. Sonyń ishinde kartop – 1500 tonna, kókónister – 1600 tonna. Jalpy Semeıde búginde turaqtandyrý qorynyń 8 pavılony jumys istep tur», - dedi Ámına Syzdyqova.
Pavılondar kelesi mekenjaılarda ornalasqan: Áýezov dańǵyly («Semeı» saýda úıiniń jany), Shyǵys kenti («Qambar» dúkeniniń jany), Energetık kentindegi aıaldama janynda, ıÝnost kóshesi (№ 9 úıdiń janynda), 342-kvartal («Mereke» dúkeninde), 14-yqsham aýdany (Shkolnaıa kóshesi 1b úıiniń janynda), Bı Boranbaı kóshesi («Dına» dúkeninde), 1-yqsham aýdany («Shańyraq» dúkeniniń janynda).