Semeıde alaıaqtar 140-tan astam adamdy aldap soqqan
ShQO Polıtsııa departamentiniń bastyǵy Saǵat Madıev onlaın formatta ótkizilgen esep berý kezdesýi barysynda óńirdegi alaıaqtyq faktileriniń 20,5%-ǵa kóbeıgendigin aıtty.
«Karantın kezinde taýarlardy ınternet arqyly satý jáne satyp alý kúrt ósti. Osyny paıdalanǵan alaıaqtar jymysqy oılaryn júzege asyrýda. Ótken jyly zardap shegýshiler sany 2,5 esege ósken. Sondaı-aq árbir ınternet alaıaqtyqtyń ekinshisi oblystan (492 fakti) jáne respýblıkadan tys jerlerde (246) jasalǵan. Qabyldanǵan sharalardyń nátıjesinde 146 ınternet alaıaqtyq áshkerelendi», - dedi ol.
ShQO bas polıtseıi aımaq turǵyndaryn kúmándi usynystarǵa saqtyqpen qaraýǵa shaqyrdy.
«Keıbir azamattar ońaı jolmen tabys tabý úshin osyndaı usynystarǵa kelisip, sońynda alaıaqtardyń qurbanyna aınalyp jatady. Mysaly, Semeı qalasynda polıtsııa qyzmetkerleri úsh adamnan turatyn qylmystyq topty áshkereledi. Olar aqshany joǵary paıyzben qaıtarýǵa bolatyndyǵyn aıtyp 143 adamdy aldap soqqan. Osynyń saldarynan jábirlenýshilerge 35,5 mln teńge mólsherinde materıaldyq zalal keltirildi. Qazirgi ýaqytta atalǵan fakti boıynsha tergeý amaldary aıaqtalyp, is sotqa jiberildi», - dedi Saǵat Madıev.