Semeıde Abaı murasyna arnalǵan sırek kitaptar kórmesi ótti
«Abaı murasy - adamzattyń baǵa jetpes qazynasy» ataýmen ótken kórmege kelshiler Abaı murasynan shyqqan sırek kitaptarmen tanysty.
«Biz osy shara arqyly oqyrmandarǵa Abaı álemin ashyp otyrmyz. Abaı qandaı kitaptar oqydy, Abaı týraly ne jazyldy, osynyń bári bizdiń búgingi kórmede aıtylyp otyr», - deıdi Abaı atyndaǵy kitaphananyń aqparattyq-bıblıografııalyq qamtamasyz etý bóliminiń jetekshisi Jańagúl Myńjybaeva.
Kórme 5 bólimnen turady: Abaı oqyǵan kitaptar; sırek basylymdar betterindegi Abaı; ólketaný tarıhyndaǵy Abaı dáýiri; Abaı murasy – adamzattyń baǵa jetpes qazynasy jáne Abaı shyǵarmalarynyń aýdarmalary.
Bul jerde Abaıdyń eńbekteri ǵana emes, sonymen qatar ol týraly kitaptar men onyń shyǵarmalarynyń aýdarmalary da jınaqtalǵan.
Mysaly Abaıdyń eńbekteri munda ózbek, madıar jáne qytaı tilderinde usynylǵan.
Sırek basylymdardyń ishinde Semeı Orys geografııalyq qoǵamy bóliminiń jazbalary men esepteri, túrli jyldardaǵy estelik kitapshalar men aýyl sharýashylyq sholýy qoıylǵan.
Kórme Semeı qalasy men Abaı kitaphanasynyń tarıhymen, qalanyń alǵashqy ólketaný mekemeleriniń qyzmetimen jáne osynda jer aýdarylǵandardyń jumystarymen tanystyrady.
Sondaı-aq kórmede V.Beloslıýdovtyń «Etnografııa týraly materıaldar», N. Konshınniń «Qyrǵyz shubaryna eskertý», «Semeı oblysyna aýylsharýashylyq sholýy», «Semeı oblysynyń memorıaldy kitaby», «Semeı aımaqtyq málimdemeleri» jáne elimizdiń tarıhyna arnalǵan basqa da erekshe basylymdar usynylǵan.
Olardyń betterinde osy mekemelerdiń qyzmeti jáne Abaıdyń qoǵamdyq qyzmeti týraly málimetter jınalǵan.