Semeıde 5 myńǵa jýyq bala Pfizer vaktsınasyn saldyrdy
Qalalyq Aqparat ortalyǵynyń málimetine súıensek, búgingi tańda Semeıde Pfizer vaktsınasyn 4744 bala, 86 júkti jáne 338 bala emizetin áıel aldy. Balalardy ımmýndaý tek ana-analardyń jazbasha ruqsatymen ǵana júrgiziledi.
Medıtsına ǵylymdarynyń kandıdaty, Semeı medıtsınalyq ýnıversıtetiniń «Balalardyń juqpaly aýrýlary» mamandyǵy boıynsha joǵarǵy sanatty dárigeri Anargúl Mansurovanyń aıtýynsha, amerıkalyq ekpe balalarǵa esh qaýipsiz.
«12-den 18 jasqa deıingi balalar koronavırýspen aýyrǵanda dertti dál eresek adamdar sııaqty ótkeredi. Asqynýlar da bolady. Bir jasqa deıingi sábılerge juqpaly syrqattar aýyr tıedi. Eger úıde náreste bar bolsa, onda barlyq otbasy músheleriniń vaktsına alǵandary jón. Koronovırýs áli joıylǵan joq, shtamm mýtatsııalanýda. Pandemııanyń qashan bitetini belgisiz», - deıdi ol.