Semeıde 5 myń oqýshy «Jas ulan» qataryn tolyqtyrdy

SEMEI. QazAqparat – Semeı qalasynda 5 000 oqýshy «Jas ulan» qataryn tolyqtyrdy, dep habarlaıdy QazAqparat tilshisi.

Qazaqstan Respýblıkasy Táýelsizdiginiń 30 jyldyǵyna oraı Semeı qalasynda «Jas ulan» uıymynyń qataryna 5000-ǵa jýyq oqýshyny qabyldaý rásimi ótti.

Shara barysynda 100 úzdik oqýshyǵa Ybyraı Altynsarın atyndaǵy № 37 gımnazııanyń matematıka pániniń muǵalimi, «Úzdik pedagog-2020» respýblıkalyq baıqaýynyń jeńimpazy Janar Saǵatbekova, Shákárim atyndaǵy úsh tilde oqytatyn kópbeıindi gımnazııanyń matematıka pániniń muǵalimi, 2021 jyldyń úzdik pedagogy atanǵan Janar Dúrmekbaeva, bilim ardageri Valerıı Adarıchev saltanatty túrde galstýk baılady.

Jasulandyqtar uıym qataryna kirip, saltanatty ant berdi.

«Jas ulan» balalar-jasóspirimder qozǵalysynyń maqsaty – patrıottar men belsendilerdiń jańa býynyn qalyptastyrý. Qozǵalys músheleri oqý ozattary, mektep jáne qoǵamdyq sharalardyń belsendi qatysýshylary bolady. Jasulandyqtar sabaqty jaqsy oqıdy jáne barlyq jaǵynan úzdik bolýǵa tyrysady», - dep habarlady qala ákimdigi.

Bul uıymǵa múshe bolýdyń ekideńgeıli júıesi bar. Joǵary býynǵa 5-10-synyp oqýshylary, tómengi býynǵa 1-4-synyp oqýshylary kiredi.