Semeıde 5 medıtsınalyq nysan salý josparlanǵan
«Aýyldyq densaýlyq saqtaýdy jańǵyrtý» ulttyq jobasy aıasynda oblys boıynsha 65 alǵashqy medıtsınalyq-sanıtarlyq kómek nysanyn salý josparlanǵan. Jyl sońyna deıin 64 nysandy paıdalanýǵa berý kózdelip otyr. Onyń 8-i qazirdiń ózinde paıdalanýǵa berildi. Keshendi josparǵa sáıkes Semeıde 100,4 mlrd teńgege 5 medıtsınalyq nysan salý josparlanyp otyr. Qazirgi kezde ınvestor esebinen jobalyq-smetalyq qujattar ázirlenip jatyr», - dedi N. Uranhaev Ortalyq kommýnıkatsııalar qyzmetindeni baspasóz máslıhatynda.
Oblys ákimi byltyr Kókpekti aýylynda gemodıalız ortalyǵy ashylǵanyn eske saldy. Bıyl atalǵan ortalyqtar Úrjar men Aqsýatta ashyldy. Sol sııaqty bıyl Jarma men Maqanshy aýdandarynda kompıýterlik tamograftar qoıylady.
«Semeıdegi Jedel medıtsınalyq járdem aýrýhanasy jasandy qan aınalym apparatymen jabdyqtaldy. Ol júrek aýrýlary kezinde qan aınalymyn tolyq toqtatyp, júrekke ashyq ota jasaýǵa múmkindik beredi. Jalpy, osy jyly densaýlyq saqtaý salasynyń materıaldyq-tehnıkalyq bazasyn nyǵaıtýǵa 2,8 mlrd teńge baǵyttaldy», - dedi ol.
Budan buryn habarlanǵandaı, Abaı oblysynyń ákimi óńirdegi jańa mektepterdiń qurylysyna túsinik berdi.