Semeıde 4 myń jańa jumys orny qurylmaq
«Semeı qalasyn áleýmettik-ekonomıkalyq damytýǵa baǵyttalǵan keshendi jospardyń nátıjesinde 2025 jylǵa qaraı birqatar nátıjelerge qol jetkizemiz. Naqty aıtsaq, óndiris salasynyń kórsetkishteri 1,6 esege, negizgi kapıtal ınvestıtsııasy 1,2 esege, aýyl sharýashylyǵynyń jalpy ónimi 1,2 esege, bólshek taýar aınalymy 2 esege artady. Sonymen qatar 4 myń jańa jumys orny qurylyp, jalpy kólemi 703 myń sharshy metrlik 133 kópqabatty turǵyn úı paıdalanýǵa beriledi», - dedi ShQO ákimi Danıal Ahmetov turǵyndar aldyndaǵy esep berý kezdesýinde.
Onyń aıtýynsha, aldaǵy 5 jyl ishinde elimizdiń tarıhı ortalyǵynda 4 mektep jáne 4 balabaqsha boı kóteredi. Budan bólek, jańa balalar aýrýhanasy men múgedekterge arnalǵan ońaltý ortalyǵy salynatyn bolady.
Esterińizge sala ketsek, osyǵan deıin Semeı qalasyn damytýǵa 260 mlrd teńge bólinetindigi habarlanǵan bolatyn.