Semeıde 29 myńǵa jýyq adam jer kezeginde tur
Semeıde jer ýchaskesin alý úshin kezekte 28 991 adam tur.
Bul týraly búgin óńirlik kommýnıkatsııalar qyzmetinde ótken brıfıngte Abaı oblysynyń aýyl sharýashylyǵy jáne jer qatynastary basqarmasynyń basshysy Anzor Abaev aıtty.
- Bekitilgen Bas josparǵa sáıkes Semeı boıynsha jeke turǵyn úı qurylysy úshin jalpy aýdany 4 574,2 gektar bolatyn 12 turǵyn úı alaby qarastyrylǵan. Injenerlik jelilermen qamtamasyz etilýine jáne ınfraquralymyna qaraı turǵyn úı alaptaryndaǵy qurylys jumystary 3 kezeńge bólingen, - dedi ol.
Anzor Abaevtyń aıtýynsha, birinshi kezeńge - IKQ-men qamtamasyz etilgen qurylys aımaqtary kirip otyr (2 turǵyn massıvi - «Ushaqtar» jáne «Komsomol»).
- Ekinshi kezeńge - IKQ qamtamasyz etý úshin eń az qarajat bólýdi talap etetin qurylys aımaqtary («Aqsaı» turǵyn massıvi), úshinshi kezeńge - IKQ qamtamasyz etý úshin aýqymdy qarajatty talap etetin qurylys aımaqtary (9 turǵyn massıvi) engizilgen, - dedi basqarma basshysy.