Semeıde 2025 jylǵa deıin toǵyz balabaqsha salynady
Bul jaıly Aqparat ortalyǵynda ótken baspasóz máslıhaty barysynda qalalyq bilim bólimi basshysynyń orynbasary Birjan Bulabaev málim etti.
«Búginde shahar boıynsha 60 balabaqsha jumys istep tur. Avtomattandyrylǵan bazadaǵy kezekte 4665 búldirshin bar. 2022-2025 jyldar aralyǵynda 2290 oryndyq toǵyz balabaqshanyń qurylysy josparlanýda», - dedi ol.
Semeı boıynsha balabaqshaǵa eń úlken kezek Tsementnyı kenti, Jańa qurylys Zaton, Mırnyı, Ortalyq, Bobrovka jáne Qaraǵaıly shaǵyn aýdandarynda tirkelgen.
«Jeke menshik balabaqshalardy kóptep ashý úshin ınvestorlar izdestirilýde. Sondaı-aq qazir basqa mekemege aınalǵan burynǵy balabaqshalarǵa taldaý jasaldy. Barlyǵy 8 ǵımarat bolsa, onyń beseýinde kvazımemlekettik sektor mekemeleri jumys isteýde», - dedi Birjan Bulabaev.