Semeıde 20-dan astam kópqabatty úı salynýda

SEMEI. QazAqparat – Semeı qalasynda 20-dan astam kópqabatty turǵyn úı salynýda, dep habarlaıdy QazAqparat tilshisi.

Qala ákimdiginiń málimetine súıensek, Qaraǵaıly shaǵyn aýdanynda memleket qarajaty esebinen jalpy aýdany 130,7 myń sharshy metrdi quraıtyn 24 kópqabatty turǵyn úı salynyp jatyr. Bul jalpy sany 1700-ge jýyq páter.

«Sonymen qatar osy jyly atalǵan shaǵyn aýdanda 1017 páterlik 16 nesıelik úı jáne 13 kommertsııalyq úı salý josparlanýda. Olardyń jalpy aýdany 87,7 myń sharshy metrge jetedi. Bes úıdi – Turǵyn úı qurylysyn kepildendirý qory arqyly, al 8 úıdi «Ertis ÁKK» UK aktsıonerlik qoǵamymen birlesip salynady», - delingen aqparatta.

Esterińizge sala ketsek, osyǵan deıin Semeıde tarıhı oryndardyń birindegi eski úıler súriletindigin habarlaǵan bolatynbyz.