Semeıde 18 mektep karantınge jabyldy

SEMEI. QazAqparat – Semeı qalasynda taǵy 5 mektep karantınge jabyldy, dep habarlaıdy QazAqparat tilshisi.

Qalalyq Bilim bóliminiń málimetine súıensek, búgingi tańda shahar boıynsha 18 mektep karantınge jabyq tur. Atap aıtqanda, №7, 10, 11, 17, 18, 19.22, 28, 30, 32, 33, 35, 37.38, 40, 43, 49 jáne Aımaýytov atyndaǵy orta mektep.

«Statıstıka kórsetkendeı, kóbine mekteptegi 4-6 synyp aralyǵyndaǵy oqýshylar koronavırýs juqtyryp jatyr. Osydan eki kún buryn 13 mektepte karantın engizilse, qazir taǵy 5 bilim ordasynda karantın jarııalandy», - delingen habarlamada.

Qazirgi ýaqytta Shyǵys Qazaqstan oblysynda Óskemen, Semeı qalalary men Aıagóz aýdany «qyzyl» aımaqqa engen. Buǵan deıin ondaǵy mektepterdiń qashyqtan oqý formatyna kóshýi múmkin ekendigin habarlaǵan bolatynbyz.