Semeıde 10 jyl toqtap turǵan meshit qurylysy qaıta jandandy
Eki jarym myń adamǵa arnalǵan meshit qurylysy 2008 jyly bastalǵan edi. Alaıda qarjynyń jetispeýshiliginen qurylys birneshe ret toqtap, aıaqsyz qalǵan. Endi, mine, meshit qurylysyn qazaqstandyq «TAS Group» kompanııalar toby qolǵa aldy. Búgin qurylysy bastalǵan meshit basynda qurbandyq shalynyp, quran oqyldy. 2 jyldyń ishinde jumystar aıaqtalyp, halyq ıgiligine beriledi dep josparlanyp otyr.
«Búgin bizdiń qala úshin mańyzdy kún. Sebebi, uzaq jyl toqtap turǵan meshit qurylysy qaıta jandanyp jatyr. Bul Tursyn jáne Dýlat Tastekeevterdiń arqasy. Ákimshilik tarapynan da qoldaý kórsetiledi. Negizi, qurylys jumystary eki jylǵa belgilenip otyr. Biraq barlyǵymyz jumylyp, kómek kórsetsek, jumys merziminen buryn aıaqtalýy múmkin», - dedi qala ákimi Ermak Sálimov.
Eske sala keteıik, buǵan deıin meshit qurylysyna jańa ınvestorlar tartylǵany týraly habarlaǵanbyz.