Semeıde 10 myń kórermenge arnalǵan ýltrazamanaýı sport kesheni salynady

<p>SEMEI. KAZINFORM &ndash; Semeı qalasynda 10 myń kórermenge arnalǵan zamanaýı sport kesheni boı kótermek.&nbsp;&nbsp;&nbsp;</p>

Qaladaǵy «Pışevık» stadıonynyń ornyna 10 myń kórermenge arnalǵan ýltrazamanaýı sport kesheni salynady. Búgingi tańda sońǵy eskız bekitildi. Jobalyq-smetalyq qujattama jasaý jumystary bastalyp, qurylysy osy jyldyń qazan aıynda qolǵa alynady. Aıaqtalýy 2026 jyldyń aqpanyna josparlanyp otyr. 

Foto: Abaı oblysy ákimdigi

«Semeıdiń sol jaǵalaýynda buqaralyq sportty damytýǵa serpin beretin zamanaýı arena paıda bolady. Jańa stadıon áýesqoı fýtbolshylar men jalpy jurtshylyqtyń qyzyǵýshylyǵyn týdyrýda. Ol sporttyq jarystardy ótkizýge arnalǵan arena ǵana emes, túrli jastaǵy turǵyndardyń jıi bas qosatyn oryndarynyń biri bolady», - dep habarlady Abaı oblysy ákimdiginen.

Stadıonda kontsertter, festıvaldar jáne kórmeler sııaqty ártúrli oıyn-saýyq ári mádenı is-sharalar uıymdastyrylmaq. Bul aımaqtaǵy týrızmdi damyta túsedi dep josparlanyp otyr. 

Foto: Abaı oblysy ákimdigi

«Sonymen qatar jańa stadıon áleýmettik ıntegratsııa men halyq arasynda salaýatty ómir saltyn qalyptastyrýǵa oń yqpalyn tıgizedi. Sport qoǵamnyń densaýlyǵy men ál-aýqaty úshin úlken mańyzǵa ıe. Al jańa stadıon kásipqoılarǵa da, áýesqoılarǵa da sportpen shuǵyldanýǵa múmkindik beredi», - delingen aqparatta.