Semeı joldaryna kelesi jyly 50 oń jaq burylys jasalady
22:20, 30 Jeltoqsan 2021
SEMEI. QazAqparat – Semeı qalasynyń joldaryna kelesi jyly 50 oń jaq burylys jasalady, dep habarlaıdy QazAqparat tilshisi.
Qala ákimi Baqytjan Baıahmetovtiń málimetine súıensek, bıyl Semeı joldaryn jóndeýge 3 mlrd teńgeden astam qarajat bólingen.
Sonyń nátıjesinde 30 kóshege asfalt tóselip, 47 kóshege greıderleý júrgizildi. 106 kóshege jáne jergilikti mańyzdaǵy joldarǵa aǵymdy jóndeý jumystary júrgizilgen.
«2022 jyly qalanyń 228 kóshesi jóndeýden ótpek. Onyń ishinde jalpy uzyndyǵy 62,7 shaqyrymdy quraıtyn 88 kóshege aǵymdaǵy jóndeý, 38 kóshege greıderleý júrgiziledi. Budan bólek, joldarǵa 50 oń burylys jasalady. Bul maqsatta 400 mln teńge jumyldyrylmaq», - dedi Baqytjan Baıahmetov.