Semeı jol bólimshesiniń Taldy stansasyn sý basý qaýpi seıildi - QTJ
12:57, 08 Sáýir 2017
ASTANA. QazAqparat - Shyǵys Qazaqstan oblysynyń Taldy selosynyń turǵyndaryna kómek berý maqsatynda jetken «Qazaqstan temir joly» UK» AQ-nyń 90 adamnan turatyn brıgadasy selonyń sý basý qaýpi bar jol jaǵalaýlaryn bekitýge kiristi.
Búginge deıin 2,5 myń qapshyq qum, qıyrshyq tastar teksheldi, dep habarlaıdy QTJ baspasóz qyzmeti. Jınalyp qalǵan qarǵyn sýlary motopompamen syrtqa aǵyzyldy.
«Qazirgi kezde sý temirjoldan eki júz metrdeı jerde, jol qabatyn sý basyp qalý qaýpi seıildi. Jasandy ımarattar arqyly sýlar aǵyzylýda.
Sý ótkizý qubyrlary jartylaı ǵana 50 paıyzdyq mólsherdegi sýmen júktelgen»,-deıdi «QTJ» UK» AQ Jol jáne Ǵımarattar departamentiniń jasandy ımarattardy jóndeý jónindegi menedjeri Ardaq Álibekov.