Semeı jastary Abaı oblysynyń qurylýyna qatysty oılaryn ortaǵa saldy

SEMEI. QazAqparat – Semeıde jastar men eriktiler Abaı oblysynyń qurylatynyna qatysty pikirlerin ortaǵa saldy, dep habarlaıdy QazAqparat tilshisi.

Semeı qalasyndaǵy Alikhan Bokeikhan University bazasynyń kovorkıng ortalyǵynda Amanat partııasynyń jastary, jastardy qoldaý keńesiniń músheleri, jastar uıymdary men eriktiler bas qosty.

Mundaǵy maqsat – Abaı oblysynyń qurylýyna qatysty pikir almasý.

«Joldaýdyń mazmuny men máni barlyq Qazaqstan halqy kútkendeı erekshe bolǵany anyq. Sonyń ishinde, el Prezıdentiniń Semeı óńirine Abaı oblysyn berýdi usynǵany dúıim jurttyń kóńilinen shyqty. Bul Semeı qalasynyń áleýmettik-ekonomıkalyq turǵydan damýyna serpin beredi. Jastarǵa tıisti jaǵdaı jasalyp, jańa jumys oryndary kóptep ashylady dep senemiz» - dedi «Amanat» partııasy jastar qanatynyń Shyǵys Qazaqstan oblystyq fılıalynyń tóraǵasy Almas Aıtmuqash.

Pikir alańyna jınalǵandar Joldaý týraly óz oılaryn ortaǵa salyp, Jańa Qazaqstannyń bolashaǵyn birlesip quratynyn jetkizdi.

«Qasym-Jomart Kemeluly osy Joldaýynda Abaı eline degen qurmetin taǵy bir márte kórsetti dep bilemin. Semeı jastary Abaı oblysy ataýyn qoldap, Prezıdentimizge úlken alǵys bildirýde», – dedi Semeıdegi belsendi jastardyń biri Álibı Abdýraımov.