Semeı ıadrolyq polıgony jabylýynyń 30 jyldyǵyna oraı kollektsııalyq moneta shyǵady

NUR-SULTAN. QazAqparat - Qazaqstan Ulttyq banki 3 mamyrdan bastap «Este qalatyn oqıǵalar men birtýar adamdar» monetalar serııasynan SEMEI IADROLYQ POLIGONYNYŃ JABYLǴANYNA 30 JYL kollektsııalyq monetasy satylymǵa shyǵatynyn málim etti, dep habarlaıdy QazAqparat.

Moneta kazcoins.nationalbank.kz platformasynda banktiń ınternet-dúkeni arqyly satylady.

30 jyl buryn táýelsiz Qazaqstan tarıhynda tarıhı sheshim qabyldandy – 1991 jyly 29 tamyzda Semeı ıadrolyq polıgony jabyldy.

SEMEI IADROLYQ POLIGONYNYŃ JABYLǴANYNA. 30 JYL monetalarynyń reversinde eki bólikten turatyn ıadrolyq jarylys túrinde beıneler kórinis tapqan.

Sol jaq bóligi ıadrolyq synaqtardyń tarıhyn, úzilgen ómir men shyrǵalań taǵdyrdy beıneleıtin jaryqshaqtar túrinde berilgen.

Oń jaǵynan – zardap shekken tabıǵatty bildiretin qýraǵan aǵashtyń beınesin kórýge bolady.

Qýrap qalǵan aǵash butaǵyndaǵy jasyl japyraqtyń beınesi – jandaný men qylań bergen úmittiń belgisi.

Monetalar 925/1000 synamada kúmisten emal jaǵý tehnologııasymen daıyndalǵan. Massasy – 31,1 gramm, proof daıyndaý sapasy bar.

Nomınaly 500 teńgelik, taralymy – 5000 dana jáne neızılber qospasynan massasy 11,17 gramm, uncirculated sapasymen, nomınaly 100 teńgelik, taralymy – 100 000 dana.