Semeı turǵynynyń koronavırýs juqtyrǵandyǵy jaıly aqparat jalǵan – mınıstrlik
18:50, 30 Qańtar 2020
SEMEI. QazAqparat - QR Densaýlyq saqtaý mınıstrliginiń ókili Albert Asqarov áleýmettik jelide tarap jatqan Semeı turǵyny koronavırýs juqtyrdy degen aqparat jalǵan ekenin aıtty, dep habarlaıdy QazAqparat.
30 qańtar kúni tańerteńnen Whatsapp jelisinde Semeı turǵynynyń koronovırýs juqtyrǵandyǵy jaıly habarlama lezde tarap ketken. QR DSM Qoǵamdyq densaýlyq saqtaý ulttyq ortalyǵynyń Medıtsına salasyndaǵy tótenshe jaǵdaılar ortalyǵynyń dırektory Albert Asqarov bul aqparattyń shyndyqqa janaspaıtynyn málimdedi.
«Qazaqstanda koronavırýs juqtyrǵan eshkim joq. Eger ondaı jaǵdaı oryn alyp jatsa, QR Densaýlyq saqtaý mınıstrligi birden resmı málimdeme jasaıdy. Sondyqtan barlyqtaryńyzdy úreılenbeýge shaqyramyn» - deıdi ol.