Semeı turǵynynyń kóliginen iri mólsherdegi esirtki tabyldy
ShQO Polıtsııa departamenti baspasóz qyzmetiniń málimetine súıensek, tártip saqshylary «Qarasora» jedel aldyn alý sharasy barysynda Semeıden Kýrchatov qalasyna qaraı shyǵatyn tasjoldyń boıynda «VAZ» avtokóligin toqtatqan. Polıtseılerge 38 jastaǵy júrgizýshi men eki jolaýshynyń ózderin ustaýy kúdik týǵyzdy.
Tergeý-jedel toby jasaǵan tintý barysynda kóliktiń júk salǵyshynyń ózindik ıisi bar, jalpy salmaǵy bir kelige jýyq keptirilgen shóp salynǵan úsh polıetılen paketti tapty. Sot-hımııalyq saraptama qorytyndysy boıynsha tárkilengen jasyl tústi, ósimdik tektes zattyń «marıhýana» ekendigi belgili boldy.
«Atalǵan fakti boıynsha QR Qylmystyq Kodeksiniń 296-baby 2-bóligine sáıkes sotqa deıingi tergeý amaldary bastaldy. Polıtseıler er adamnyń ózimen birge iri mólsherdegi esirtkini ne úshin alyp júrgenin anyqtaýda», - dedi Semeı qalalyq Polıtsııa basqarmasynyń bastyǵy Shalqar Qunanbaev.