Semeı turǵynynan 5 keliden astam marıhýana tárkilendi

NUR-SULTAN. QazAqparat - Semeı turǵynynan 5 keliden astam marıhýana tárkilendi, – dep habarlaıdy Polisia.kz.

Esirtki qylmysyna qarsy kúres bóliminiń qyzmetkerleri esirtkini zańsyz saqtady degen kúdikpen Semeı qalasynyń 44 jastaǵy turǵynyn ustady. Onyń úıine tintý júrgizý barysynda kireberis bólmesinde jáne monshada ózine tán ıisi bar ósimdik tektes jasyl tústi zaty bar 3 polımerli paket tabylyp, tárkilendi.

Sondaı-aq, er adamnyń qaltasynan ishinde qońyr tústi qatty zaty bar polımerli túıinshek tabyldy.

Saraptama qorytyndysyna sáıkes, alynǵan zat jalpy salmaǵy 5 778,00 gramm keptirilgen marıhýana bolyp shyqty.

Er adamnyń qaltasynan tabylǵan zat salmaǵy 1,36 gramm gashısh ekeni anyqtaldy.

Kúdikti polıtsııa bólimine jetkizildi, odan jaýap alý kezinde ol kinásin moıyndady. Atalǵan fakti boıynsha QR QK-niń 296-babynyń 2-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergeý bastaldy.