Semeı turǵyny jylyjaıda marıhýana ósirgen

SEMEI. QazAqparat – Semeı qalasynda jylyjaıda marıhýana ósirgen er adamnyń ústinen qylmystyq is qozǵaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylaryna 34 jastaǵy qala turǵynynyń esirtki zattaryn saqtaıtyndyǵy týraly aqparat túsken. Polıtsııa qyzmetkerleri er adamnyń úıine baryp tekserý jumystaryn júrgizdi.

«Onyń úıiniń aýlasyndaǵy jylyjaıdan erekshe ıisi bar ósimdiktiń segiz butaǵy tárkilendi. Sonymen qatar teledıdar astyndaǵy tartpadan jasyl tústi zat salynǵan polımer qapshyq tabylǵan. Saraptama nátıjesinen anyqtalǵandaı, bul jalpy salmaǵy 6,4 grammdy quraıtyn keptirilgen marıhýana bolyp shyqty», - dep habarlady vedomstvo ókilderi.

Qazirgi ýaqytta atalǵan fakti boıynsha QR Qylmystyq Kodeksiniń 296-baby 2-bóligine sáıkes sotqa deıingi tergeý amaldary júrgizilýde.