Semeı turǵyny Reseıden kólik alamyn dep alaıaqqa 2,5 mln teńge bergen

SEMEI. QazAqparat – Semeı qalasynyń turǵyny Reseıden kólik alamyn dep alaıaqtyń arbaýyna túsip qaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna 31 jastaǵy er adam qońyraý shalǵan. Ol óz sózinde beıtanys bireýdiń «Reseıden «Toyota» markaly avtokólikti naryqtaǵy baǵadan áldeqaıda arzanǵa jetkizip beremin» dep aldaǵanyn aıtqan. Osynyń saldarynan jábirlenýshige 2, 5 mln teńge kólimende materıaldyq zalal keltirilgen.

«Jedel-izdestirý sharalaryn júrgizgen polıtsııa qyzmetkerleri 49 jastaǵy jergilikti turǵyndy ustady. Tergeý barysynda kinásin moıyndaǵan ol qarajatty jeke qajettilikterine jumsaǵanyn jetkizdi», - dedi oblystyq PD bastyǵy Saǵat Mádıev.

Qazirgi ýaqytta atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary bastaldy.

Eske salaıyq, osyǵan deıin polıtseılerdiń Rıdderde 30 sibir shyrshasyn zańsyz qazyp alǵan elorda turǵyndaryn ustaǵanyn habarlaǵan bolatynbyz.