Semeı turǵyny kóligine qaǵazǵa jazylǵan nómir taǵyp alǵan

SEMEI. QazAqparat – Semeı qalasynyń turǵyny kóligine qaǵazǵa jazylǵan nómir taǵyp alyp júrgen, dep habarlaıdy QazAqparat tilshisi.

Abaı oblystyq Polıtsııa departamenti baspasóz qyzmetiniń málimetine súıensek, tártip saqshylary áleýmettik jelige júrgizilgen monıtorıng barysynda jol qozǵalysy erejesin buzý faktisin anyqtady.

«Instagram jelisindegi paraqshada Semeı turǵynynyń kóligine qaǵazǵa jazylǵan nómir taǵyp alyp júrgen sýreti jarııalandy. Polıtseıler birden onyń DAEWOO NEXIA kóliginiń 28 jastaǵy júrgizýshisi ekenin anyqtady», - dep habarlady vedomstvo ókilderi.

Er adamǵa qatysty QR ÁQBtK-niń 590-babynyń 2-bóligi (Memlekettik tirkeý nómiri joq nemese ony paıdalanýǵa tyıym salynǵannan keıin, ne tirkelmegen kólik quralyn basqarý) boıynsha ákimshilik hattama toltyryldy. Kólik aıyppul turaǵyna qoıyldy.

Foto: t.me/POLICE_of_KZ