Semeı turǵyndary prezıdent saılaýynda 149 ýchaskege baryp daýys bere alady

SEMEI. QazAqparat – Semeı qalasynyń turǵyndary prezıdent saılaýynda 149 ýchaskege baryp daýys bere alady, dep habarlaıdy QazAqparat tilshisi.

Qala ákimdiginiń málimetine súıensek, Semeıdegi saılaý ýchaskeleri prezıdent saılaýyn ótkizýge daıyndalyp jatyr.

«Saılaý kúni shahar halqy 149 ýchaskege baryp daýys bere alady. Onyń ishinde 19-y jabyq saılaý ýchaskesi. Jabyq saılaý ýchaskeleri - qandaı da bir sebeptermen jalpy saılaý ýchaskelerine kele almaıtyn jáne áskerı bólimderde, aýrýhanalarda, quqyq qorǵaý organdarynyń mekemelerindegi azamattar úshin jumys isteıdi», - delingen aqparatta.

Sondaı-aq qaladaǵy múmkindigi shekteýli jandar ózderiniń konstıtýtsııalyq quqyǵyn paıdalanyp, úıde daýys bere alady.

Aıta keteıik, Semeıde saılaýshylar tizimine 232 myńnan astam adam engizilgen.