«Semeı ormanyndaǵy» órtenip ketken aǵashtar satylyp jatyr

<p>SEMEI. KAZINFORM &ndash; &laquo;Semeı ormany&raquo; memlekettik orman tabıǵı rezervatynda byltyr bolǵan órtten janyp ketken aǵashtar satylymǵa qoıyldy. Qazir 720 mln teńgeniń aǵashy satylyp ketken. &nbsp;</p>

Ótken jyly 8 maýsymda Semeı orman rezervatynan shyqqan órt Qazaqstan tarıhyndaǵy eń alapat orman órti boldy. 

14 ormanshy qaza bolyp, 60 myń gektardan astam jer janyp ketti. Sonyń saldarynan keltirilgen materıaldyq shyǵyn 161 555 125 335 teńgeni quraǵan. Ótken aıda redaktsııamyzǵa suhbat bergen Abaı oblysynyń ákimi Nurlan Uranhaev apat qaıtalanbas úshin qandaı jumystar qolǵa alynǵanyn aıtyp bergen edi. 

«Qaraǵaıly ormandy qalpyna keltirý úshin oblys ákimdigi Jol kartasyn ázirledi. Qazir tabıǵı rezervatta órtengen aǵashtardy kesý, óńdeý jumysy júrgizilip jatyr. Kesilgen aǵashtardy tereńdete óńdeý úshin zaýyt qajet. Soǵan jeke ınvestor qarastyryp jatyrmyz. Investıtsııalyq jobany júzege asyrý úshin «Óndiris» ındýstrıaldy aımaǵynan jer bólindi», - dedi ol.

Sondaı-aq «Semeı ormany» memlekettik orman tabıǵı rezervaty bas dırektorynyń orynbasary Áset Saınovtan janyp ketken aýmaqta osy ýaqytqa deıin qandaı jumystar atqarylǵanyn surap kórgen bolatynbyz.

«Ot shyrpyǵan aýmaqty aǵash otyrǵyzýǵa daıyndap jatyrmyz. ıAǵnı janyp ketken aǵashtardy kesý, tazalaý jumystary júrgizilýde. Órtengen alańda orman ekpelerin otyrǵyzýdyń jańa jumys jobasy qarastyryldy», - dep jaýap berdi ol. 

Endi kóptiń kókeıinde «Órtenip ketken aǵashtardy ne isteıdi?» degen suraq týyndaıdy. Qazir sol úshin memlekettik tapsyrystar saıtynda «Semeı ormany» qoryǵynda órtengen aǵashtar satylymǵa qoıylǵan. Ol aǵashtar quny 24 mln-nan 216 mln teńgege deıingi somadaǵy 170-ke jýyq lotqa bólinip shyǵarylǵan. 720 mln teńgeniń 6 loty satylyp ketti. Baǵasyna qatysty aıtar bolsaq, qaraǵaıdyń tekshe metri – 11 myń teńge. Bul – eń qymbaty. Qaıyńnyń tekshe metri 1 900 teńgeden, al kókterektiki 1 600 teńgege baǵalanǵan. 

Aıta keteıik, Semeı ormanynda» 2021-2027 jyldary orman alqabyn keńeıtýdiń keshendi jospary jasalǵan. Barlyǵy 133 mln aǵash otyrǵyzý josparlanyp otyr. Sol arqyly órtengen aǵashtardyń ornyna jańasy otyrǵyzylady. 

Sol jospar boıynsha:

2021 jyly — 3 600 gektarǵa 17 mln kóshet;
2022 jyly — 4 500 gektarǵa 21 mln 100 myń kóshet;
2023 jyly — 2 440,1 gektarǵa 11 mln 248 myń kóshet;
2024 jyly — 5 139,0 gektarǵa 24 mln 462 myń kóshet;
2025 jyly — 4 900 gektarǵa 22 mln 988 myń kóshet;
2026 jyly — 4 000 gektarǵa 17 mln 276 myń kóshet;
2027 jyly — 4 150 gektarǵa 19 mln 418 myń kóshet egiledi.