Semeı ormanynda bolǵan órtten memleketke qansha shyǵyn keldi

<p>Bıyl maýsymda Semeı rezervatynda bolǵan órtten memleketke kelgen shyǵyn kólemi belgili boldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qazaqstan Respýblıkasy Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti tóraǵasynyń 2023 jylǵy 17 shildedegi № 27-5/143-NQ «Komıssııa qurý týraly» jáne 2023 jylǵy 25 shildedegi № 27-4/151-NQ «Komıssııa qurý týraly buıryǵyna ózgerister engizý týraly» buıryqtaryna sáıkes mınıstrlik, tótenshe jaǵdaı mınıstrligi jáne «Qazaqstan ǵarysh sapary» UK» AQ ókilderiniń qatysýymen 2023 jylǵy 8 maýsymdaǵy «Semeı ormany» memlekettik orman tabıǵı rezervaty» Respýblıkalyq memlekettik mekemesiniń Borodýlıha, Novoshýlba jáne Semeı fılıaldary aýmaǵynda bolǵan iri orman órti faktisi boıynsha qyzmettik tekseris ótkizildi», - dep jaýap berdi Kazinform agenttiginiń resmı saýalyna mınıstrlikten.

Aqparatta aıtylǵandaı, júrgizilgen tekserý nátıjesinde kelesi jaǵdaı anyqtalǵan.

«2023 jylǵy 8 maýsymda «Semeı ormany» rezervatynda bolǵan iri orman órtiniń jalpy aýdany – 63 333,5 ga. Onyń ishinde, orman ishi – 54915,7 gektar, orman mańy – 7703,8 ga, ormanǵa jatpaıtyn – 714,0 ga. Tolyq materıaldyq zalal – 161 555 125 335,0 teńge (júz alpys bir mıllıard bes júz elý bes mıllıon bir júz jıyrma bes myń úsh júz otyz bes teńge 00 tıyn). Onyń ishinde tikeleı materıaldyq zalal – 32 395 607 477,7 teńge jáne janama materıaldyq zalal – 129 159 517 858,0 teńge», - dep túsindirdi vedomstvodan.