Semeı óńirinde 17 myń gektarǵa egin salynady

SEMEI. QazAqparat – Bıyl Semeı óńirinde 17 350 gektarǵa egin egý josparlanyp otyr, dep habarlaıdy QazAqparat tilshisi Semeı qalalyq ákimdiginiń baspasóz qyzmetine silteme jasap.

Semeı óńiri boıynsha aǵymdaǵy jyly jalpy egis alańy 17 350 gektardy quraıdy, oǵan 51 sharýashylyq sýbektisi qatysady. 367 gektarǵa dándi daqyl, 3 779,5 gektarǵa kartop, 1 520,2 gektarǵa kókónis jáne baqsha daqyldary, 5 743 gektarǵa maıly daqyldar otyrǵyzylady.

«Óńirdegi aýyl sharýashylyǵy qurylymdarynda kóktemgi egis jumysyn júrgizýge tehnıka sany jetkilikti. Traktorlardyń jalpy sany - 686, 624 dóńgelekti tehnıka, 62 shynjyr tabandy, 71 soqa, 56 qopsytqysh, 36 sepkish pen 239 júk mashınasy jumyldyrylady. Tuqym men mıneraldy tyńaıtqysh daıyn» deıdi Semeı qalalyq aýyl sharýashylyǵy bóliminiń basshysy Nurlan Shaqabaev.