Semeı ómir sapasy reıtınginde sońǵy orynda tur. Oblys ákimi buǵan ne deıdi

<p>Abaı oblysynyń ákimi Nurlan Uranhaev Semeıdiń ekonomıkalyq zertteýlerde sońǵy orynda turǵanyna pikir bildirdi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«Ekonomıkalyq zertteýler ınstıtýynyń málimetinshe, 2022 jylǵy ómir sapasy ulttyq reıtınginde Semeı 25 qalanyń ishinde 25-orynda tur. Semeıdi tipti Sátpaev, Jezqazǵan, Jańaózen, Rıdder sııaqty shaǵyn qalalardyń ózi basyp ozǵan. Nege Semeı turǵyndarynyń áleýmettik jaǵdaıy osynsha tómen?», - degen suraq qoıdy Jibek Joly telearnasynyń «Ýáde» baǵdarlamasynda júrgizýshi Erbolat Muhamedjan.

Ákim bul suraqqa jaýap bere almaıtynyn, sebebi qaı krıterıımen 25-orynda turǵanyn bilmeıtinin aıtty.

«Biz osyǵan kóndik. 25-oryn degen jaqsy ǵoı. Odan da tómen bara almaımyz, sondyqtan birte-birte tek qana alǵa jyljımyz. Men ony qabyldadym. Olarǵa baryp, kelispeıtinimdi aıtsam, meıli biz 23-orynǵa bararmyz, 20-orynǵa bararmyz. Odan ne paıda? Biz jumysymyzdy isteıik, bir jyldan keıin qaı orynǵa jyljyǵanymyzdy kóreıik», - dep jaýap berdi Nurlan Uranhaev. 

Aıta keteıik, «Jibek Joly» telearnasy «Ýáde» atty jańa jobany bastady. Baǵdarlamada Úkimet músheleri, oblys pen qala ákimderi, ulttyq kompanııalardyń jetekshileri qonaq bolyp, júrgizýshiniń ótkir ári ózekti suraqtaryna jaýap beredi.

Jobanyń maqsaty — laýazymdy tulǵalardyń halyqqa bergen ýádesi men Prezıdenttiń tapsyrmalaryn oryndaý aıasynda jaýaptar alý.

Baǵdarlama saıası-ekonomıkalyq, áleýmettik jaǵdaı̆lar men mádenı-rýhanı keńistikti de qamtıdy.

Jańa jobanyń alǵashqy qonaǵy — Abaı oblysynyń ákimi Nurlan Uranhaev boldy.