Semeı kóshelerinen bıylǵy qysta 500 myń tekshe metrge jýyq qar shyǵaryldy
Qala ákimdiginiń málimetine súıensek, qazirgi ýaqytta sý tasqynyna qarsy sharalar aıasynda kóshelerdi erigen qar sýynan tazartý jumystary júrgizilýde.
«Sol úshin 10 vakýýmdyq assenızator mashınasy,8 jyljymaly motopompa jáne tsısternasy bar 12 avtokólik iske qosylǵan. Sondaı-aq káriz sýlaryn qabyldaıtyn qudyqtardy tazartýǵa ılosos mashınasy men arnaıy tehnıka tartyldy. Osy sátte barlyǵy 22 myń tekshe metrden astam sý soryldy», - delingen aqparatta.
Sý tasqynyna qarsy sharalar sheńberinde Holodnyı Klıých, Voshod kentterinde de qar shyǵarý jumystary jalǵasýda.
«Qar shyǵarý jumystaryna barlyǵy 50-den astam tehnıka jumyldyryldy. Jalpy bıylǵy qys mezgiliniń basynan beri shahar kóshelerinen 476 myń tekshe metrden astam qar shyǵaryldy», - delingen habarlamada.