Semeıde qyzylǵa ótip ketken júrgizýshi saldarynan 7 adam aýrýhanaǵa tústi

<p>SEMEI. KAZINFORM - Semeı qalasynda jol apatynan 7 adam zardap shekti.</p>

Oblystyq Polıtsııa departamenti baspasóz qyzmetiniń málimetine súıensek, GAZel júk kóliginiń 38 jastaǵy júrgizýshisi Ibraev kóshesi men Qaıym Muhamedhanov dańǵylynyń qıylysynda baǵdarshamnyń qyzyl túsine túsine ótip ketken. Sonyń saldarynan ol Toyota Highlander kóligimen soqtyǵysty.

Osydan keıin GAZel ınertsııamen taǵy eki «Vaz 2109» jáne «Lexus RX 300» kólikterine soǵyldy. Jol-kólik oqıǵasynan barlyǵy 7 adam aýrýhanaǵa tústi.

«Qazirgi ýaqytta birqatar sot-medıtsınalyq saraptama taǵaıyndaldy. Sonyń nátıjeleri boıynsha protsessýaldyq sheshim qabyldanady. Jol apattaryn boldyrmaý, jaqyndaryńyz ben týystaryńyzdyń ómiri men densaýlyǵyn saqtaý maqsatynda árbir júrgizýshige jolda muqııat bolýǵa jáne jol qozǵalysy erejelerin múltiksiz saqtaýǵa keńes beremiz», - delingen aqparatta.