Semeı qalasynyń Bulaq aýylynyń evakýatsııalanǵan turǵyndary úılerine qaıtaryldy
22:30, 14 Maýsym 2023
SEMEI. QazAqparat - Semeı qalasynyń Bulaq aýylynyń evakýatsııalanǵan turǵyndary úılerine qaıtaryldy, dep habarlaıdy QazAqparat Abaı oblysy ákimdiginiń baspasóz qyzmetine silteme jasap.
Baspasóz qyzmetiniń málimetterine qaraǵanda, órttiń taralý qaýpine baılanysty aýyl turǵyndary qaýipsiz jerge kóshirilgen bolatyn.
«Qazir jaǵdaı turaqtaldy, bıliktiń tolyq baqylaýynda. Turǵyndardy úılerine qaıtarý týraly sheshim qabyldandy»,-delingen habarlamada.
Bulaq aýylynan barlyǵy 117 adam, onyń ishinde 50 bala evakýatsııalanǵan.
Aıta keteıik, QR Tótenshe jaǵdaılar mınıstrliginiń baspasóz qyzmeti osyǵan deıin Abaı oblysyndaǵy orman órtiniń oqshaýlanǵanyn habarlady.