«Semeı Gınnestiń rekordtar kitabyna kirýi múmkin» - respýblıkalyq basylymdarǵa sholý

ASTANA. 5 qańtar. QazAqparat - Qazaq aqparat agenttigi respýblıkalyq basylymdarda 5 qańtar, beısenbi kúni shyqqan ózekti materıaldarǵa sholýdy usynady.

***

Keshe Qazaqstan Respýb­lı­ka­synyń Syrtqy ister mı­nıs­tri Erjan Qazyhanov EQYU-nyń Demokratııalyq ınstıtýttar jáne adam quqyqtary jónindegi bıýrosynyń (EQYU/DIAQB) Parlamenttik saılaýlardy baıqaý jónindegi mıs­sııa­synyń basshysy Mıklosh Harashtımen kezdesti. Osyǵan oraı «Egemen Qazaqstan» gazetinde «Mıssııaaralyq esebin jarııalaıdy» degen taqyryppen maqala basyldy. Basylymnyń atap ótýinshe, EQYU/DIAQB-nyń Parla­ment­­tik saılaýlardy baıqaý jónindegi mıssııasynyń basshysy Mıklosh Harashtı búgin Qazaqstandaǵy saılaý naýqanyna baılanysty aralyq esepti  jarııalaıtyndyqtarynan habardar etti. Jáne de mınıstrge mıssııa jumysy jaıly áńgimelep berdi. «Biz erteń ózi­mizdiń saıtymyzda aralyq esepti jarııalaımyz. Bul esepte saılaýaldy naýqan barysy, Ortalyq saılaý komıssııasynyń, medıalardyń jumysy, partııalardyń tirkelýi nemese tirkelmeýi syndy jáıtter qamtylady», - dedi Parlamenttik saılaýdy baıqaý jónindegi mıssııa basshysy.

 

«Egemen Qazaqstan» gazetiniń jazýynsha, «Nur Otan» halyqtyq-demokratııalyq partııasy respýblıkalyq saılaýaldy shtab músheleri 2012 jylǵy alǵashqy kezdesýlerin Batys Qazaqstan oblysynda ótkizdi. Nurotandyqtar «Qazaqstan. 2017 maqsattary. Ulttyq is-áreket jospary» saılaýaldy tuǵyrnama­sy­nyń basym baǵyttaryn oblystyń etnomádenı birles­tikter ókilderimen, muǵalimder­men jáne dárigerlermen talqylady. Batys Qazaqstan óńiriniń turǵyndary Ult kóshbasshysynyń partııasyn qoldaıtyndaryn jetkizdi. «Nur Otan» partııasy qazaqstandyqtardy tolǵan­dyr­ǵan kez kelgen máseleni jan-jaqty qarap, bar­lyq jaǵdaıdy eskere otyryp, sheshýge tyrysady. Sondyqtan bolar, kezdesýde jurtshylyq «Nur Otan­nyń» maqsat-múddesimen tanys ekendikterin jáne partııany tolyqqandy qoldaıtyndyqtaryn kórsetti. Olar 15 qańtar kúni saılaýda «Nur Otandy» qoldaýǵa daıyn ekendikterin málim etti. Sonymen qatar osy basylymnan Parlament saılaýy dodasyna túsip jatqan basqa da partııalardyń úgit-nasıhat jumystarymen keńinen tanys bolasyzdar.

***

«Memleket basshysy Nursultan Nazarbaevtyń atyna Qytaı Halyq Respýblıkasynyń Tóraǵasy Hý Tszıntaodan QHR men Qa­zaqstan Respýblıkasy arasyndaǵy dıplomatııalyq qatynastardyń or­naǵanyna 20 jyl tolýyna baılanysty quttyqtaý hat keldi», - dep jazady «Kazahstanskaıa pravda» gazeti. Hý Tszıntao óziniń quttyqtaý hatynda budan 20 jyl buryn Qytaı men Qazaqstannyń resmı dıplo­ma­tııa­lyq qatynastarynyń ornaýymen eki el halyqtarynyń arasynda dos­tyq baılanystardyń jańa paraq­ta­ry ashylǵanyn atap ótken. Ótken 20 jyl boıyna Qytaı-Qazaqstan qaty­nastarynyń qarqyndy damýynyń jaǵymdy úrdisi ózgerissiz saqtalýda. Taraptar ózara senimniń joǵary deńgeıine qol jetkizdi, ózara múd­de­les­tik týdyratyn mańyzdy másele­ler­de bir-birine naqty qoldaý kór­setti. Jemisti yntymaqtastyqtyń aıqyn nátıjesi saýda, ınvestıtsııa, energetıka, kólik, ınfraqurylym­dyq qurylys jáne ózge salalarda kórinis tapty.

***

«Semeı Gınnestiń rekordtar kitabyna kirýi múmkin», - dep jazady «Lıter» gazeti búgingi sanyndaǵy «Gorodskaıa ploşad» degen taqyryptaǵy maqalasynda. Basylymnyń atap ótýinshe, bundaı bastamany Semeı memlekettik pedagogıkalyq ınstıtýtynyń stýdentteri kóterip otyr. Shyndyǵynda da osyǵan deıin eskerilmeı kelgen qalanyń bul ereksheligi álemniń ózge qalalarynda  joq bolyp shyǵypty. Qazir qalaǵa qarasty tóńirektiń resmı kólemi eldimekenderdi qosqanda 27,5 myń sharshy shaqyrymdy quraıdy eken.