Semeı GES-i qurylysy kezinde 2100 jumys orny ashylady

<p>ASTANA. KAZINFORM &ndash; Semeı GES-in salý kezindegi 5 jyl merzimde 2100 jumys orny qurylady. Bul týraly &laquo;Samuryq-Energo&raquo; AQ málim etti.</p>

«Jumysqa qurylys-montajdaý qyzmetkerleri tartylady. Sonymen qatar, Semeı GES-i iske qosylǵan kezde, sonda jumys isteıtin personaldyń jalpy sany 120-dan astam adamdy quraıdy», - delingen atalǵan kompanııanyń Kazinform agenttigine bergen jaýabynda.

«Samuryq-Energo» AQ málimetinshe, GES qurylysy Ertistiń tómengi aǵysyndaǵy sý rejıminiń ózgerýine baılanysty eshqandaı qaýip tóndirmeıdi. Sonymen qatar, stantsııa sý qoımasyn qurý arqyly ózen basseıniniń sý rejımin turaqtandyrady.

Buǵan deıin Semeı GES-iniń qurylysy birtutas júıedegi elektrlik manevrlik qýatty 300 MVt-qa arttyratyny habarlandy.

Aıta keteıik, buǵan deıin Qazaqstan Reseımen birlese otyryp, Ertis ózeniniń boıynda sý elektr stantsııasyn salý týraly kelissóz júrgizip jatqany habarlandy.