Semeı saýda úıindegi órt: Zardap shekkenderge qandaı kómek kórsetiledi

<p>ASTANA. KAZINFORM &ndash; Vıtse-premer Tamara Dúısenova Semeı qalasynda saýda úıindegi órtten taýarlary janyp ketken adamdarǵa qandaı kómek kórsetilýi múmkin ekendigin aıtty.</p>

«Eń aldymen sebebin jáne ár adamǵa keltirilgen shyǵyn kólemin anyqtaý qajet», - dedi Tamara Dúısenova Úkimettiń keńeıtilgen otyrysynan keıingi brıfıngte.

Osy oraıda BAQ ókilderi azamattarǵa qandaı kómek kórsetilýi múmkin ekendigin naqtylaǵan bolatyn.

«Olarǵa basqa bazarlardan jumys oryndary usynylyp, sol jerde taýarlaryn satýǵa múmkindik alady. Eger olarda múldem eshqandaı múmkindik bolmasa, onda biz olardy jumyssyzdar retinde tirkep, járdemaqy tóleımiz», - dedi vıtse-premer.

Sonymen qatar Úkimet basshysynyń orynbasary zardap shekken azamattarǵa memlekettik baǵdarlama aıasynda 2,5 paıyzdyq mólsherlememen jeńildetilgen nesıe berilýi múmkin ekendigin aıtty.

Aıta keteıik, Semeıdegi kıim-keshek saýdalanatyn eń iri saýda ornynda 6 jeltoqsan kúni tańǵy saǵat 3.00 shamasynda órt shyqqan edi. Órt túnde sóndirildi.

Qalalyq Mádenıet úıinde TJD jáne Densaýlyq saqtaý basqarmasynyń psıhologtary kásipkerlermen jumys júrgizdi. Barlyǵy 200-den astam kásipkerge shuǵyl-psıhologııalyq kómek kórsetildi.