Semeı avtobýstarynda maska rejımi saqtala ma

SEMEI. QazAqparat – Semeıde qoǵamdyq kólikterdegi maskalyq rejımniń saqtalýyn tekserý maqsatynda reıd ótti, dep habarlaıdy QazAqparat tilshisi ákimdiktiń Instagram jelisindegi paraqshasyna silteme jasap.

«Ákimdik pen polıtsııa basqarmasynyń ókilderinen quralǵan monıtorıngtik toptar qoǵamdyq oryndarda karantın shekteýleriniń saqtalýyn tekserýdi jalǵastyrýda. 30 qańtarda Semeı qalasynda qoǵamdyq kólikterdegi maska kııý rejıminiń saqtalýy boıynsha reıd ótkizildi», - delingen habarlamada.

Monıtorıngtik toptardyń jumysy barysynda 39 avtobýs tekserilip, 63 quqyqbuzýshylyq anyqtalǵan.

«Azamattar men kásipkerlik nysan ıelerine karantındik rejım jalǵasatynyn jáne bas sanıtarlyq dárigerdiń qaýlysyndaǵy talaptardy saqtaý kerektigin eskertemiz. Tártip buzýshylar zańǵa sáıkes jaýap beredi», -delingen málimette.