Semeı áskerı gospıtaliniń bastyǵy ustaldy
16:17, 29 Mamyr 2021
NUR-SULTAN. QazAqparat – Semeı áskerı gospıtaliniń bastyǵy Dýlat Qurmetov ustaldy, dep habarlaıdy QazAqparat tilshisi.
«2021 jyldyń 29 mamyrynda quqyq qorǵaý organdary Semeı qalasyndaǵy áskerı gospıtaldiń bastyǵy, medıtsına qyzmetiniń podpolkovnıgi Dýlat Qurmetovti ustady. Basqa málimet tergeý múddesi úshin jarııalaýǵa jatpaıdy», - delingen QR Qorǵanys mınıstrliginiń baspasóz qyzmeti taratqan aqparatta.
Aıta keterligi, buǵan deıin Qazaqstan Qarýly Kúshteriniń materıaldyq-tehnıkalyq qamtamasyz etý jáne qarýlandyrý bóliminiń bastyǵy, polkovnık Asylbek Satybaldınovtyń ustalǵany habarlanǵan edi.