Segizinshi saılanǵan Parlamenttiń úshinshi sessııasy resmı túrde ashyldy
Birlesken otyrysqa Senattyń 46 depýtaty jáne Májilistiń 95 depýtaty qatysyp jatyr.
Sonymen qatar jıynǵa ortalyq memlekettik organdardyń basshylary, Ulttyq quryltaı, Adam quqyqtary jónindegi komıssııa, Áıelder isteri jáne otbasylyq-demografııalyq saıasat jónindegi ulttyq komıssııa músheleri, qoǵam ókilderi jáne eńbek ujymdary shaqyryldy.
Eske salsaq, tamyz aıynyń sońynda Májilis tóraǵasy Erlan Qoshanov Parlament Palatalarynyń birlesken otyrysyn shaqyrý týraly Ókimge qol qoıdy.
«Qazaqstan Respýblıkasy Konstıtýtsııasynyń 58-baby 4-tarmaǵynyń 2) tarmaqshasyna sáıkes Qazaqstan Respýblıkasy Parlamenti Palatalarynyń birlesken otyrysy 2024 jylǵy 2 qyrkúıekte saǵat 11.00-de Astana qalasynda shaqyrylsyn», - dep jazylǵan Ókim mátininde.
Parlament palatalarynyń birlesken otyrysynda Memleket basshysy Qasym-Jomart Toqaev Qazaqstan halqyna Joldaýyn jarııalaıdy.