Segiz dúrkin olımpıada chempıony Phenchhanǵa barmaıtyn boldy

ASTANA. QazAqparat - Qysqy oıyndar tarıhyndaǵy eń ataqty sportshy sanalatyn bıatlonnan segiz dúrkin olımpıada chempıony, norvegııalyq Ýle-Eınar Borndalen Phenchhandaǵy Olımpıadaǵa qatysatyn ulttyq komandanyń quramyna kirgen joq.

Mundaı sheshimdi Norvegııanyń Ulttyq olımpıada komıteti (UOK) dúısenbi kúni qabyldady, dep habarlaıdy TASS.

Eldiń UOK basshysy Týre Evrebeniń aıtýynsha, bıylǵy maýsymda sportshynyń nátıjesi olımpıada oıyndaryna qatysýǵa jetkiliksiz bolǵan.

27 qańtarda 44 jasqa tolatyn Borndalenniń qanjyǵasynda 13 olımpıada nagradasy bar. Onyń segizi - altyn. Norvegııalyq 20 ret álem chempıonatynda jeńiske jetip, alty ret Álem kýbogynyń ıegeri atandy.

Olımpıada oıyndary Ońtústik Koreıanyń Phenchhan qalasynda 9 aqpanda bastalady.