Şýchınskide serjanttar arasynda baıqaý ótip jatyr

KÓKShETAÝ. QazAqparat - Aqmola oblysynyń Şýchınsk qalasyndaǵy QR Qorǵanys mınıstrliginiń Shoqan Ýálıhanov atyndaǵy Kadet korpýsynda eń úzdik serjant Búkiláskerı baıqaýy ótýde, dep habarlaıdy QazAqparat tilshisi vedomstvonyń baspasóz qyzmetine silteme jasap.

Buǵan Qorǵanys kúshteriniń, áskerı, óńirlik basshylyq jáne negizgi basqarmalardyń tarapynan uıymdastyrylǵan baıqaýlardyń jeńimpaz-serjanttary qatysýda. Sondaı-aq elimizdiń ár óńirinen jınalǵan 16 komanda, onyń ishinde QR Memlekettik kúzet qyzmetiniń úzdikteri baq synaýda. Baıqaý 6 atalym jáne 10 túrli saıys boıynsha ótip jatyr. Qatysýshylar tózimdilik, mergendik, qoıan-qoltyq urys, turǵan jerinde baǵyt-baǵdarlaý, alǵashqy kásibı medıtsınalyq kómek kórsetý, áskerı daıyndyq boıynsha teorııalyq bilimderin, sondaı-aq, vokaldyq jáne horeografııalyq daǵdylaryn kórsetýi qajet.   

Uıymdastyrýshylardyń aıtýynsha, dástúrli túrde jyl saıyn ótkiziletin baıqaýdyń maqsaty, serjant quramynyń kásibıligin arttyrý jáne yntalandyrýǵa, sondaı-aq, óńirlik basshylyq jáne áskerlerdegi serjant quramy daıyndyǵynyń deńgeıin anyqtaýǵa baǵyttalǵan.

Baıqaý qorytyndysy 29 qyrkúıekte shyǵarylatyn bolady.