Şýchınskide órtengen bazardan er adamnyń denesi tabyldy

NUR-SULTAN. QazAqparat - Búgin, 18 mamyr kúni saǵat 04-50-de Aqmola oblysy, Býrabaı aýdanynyń Şýchınsk qalasynda «Jomart» bazarynyń bir qabatty jeke turǵan ǵımaraty órtendi.

Órtti sóndirýge 97 órt sóndirýshi jiberildi, - dep habarlaıdy QazAqparat Aqmola oblystyq Tótenshe jaǵdaılar departamentiniń baspasóz qyzmetine silteme jasap.

Jalyn 1700 sharshy metr aýmaqty sharpyǵan. Al ǵımarattyń jalpy aýdany 3000 sharshy metr. 45 mınýt ishinde órt sóndirýshiler órtti oqshaýlap, jalynnyń taralýyna jol bermedi. Osylaısha eki saǵat ishinde órtti tolyǵymen sóndirdi.

«Órt sóndirý barysynda er adamnyń denesi tabyldy. Aldyn ala boljam boıynsha ol bazardyń kúzetshisi bolýy múmkin. Qazirgi tańda anyqtaý jumystary júrip jatyr. Órt ornynda órt-tehnıkalyq zerthanasynyń ókilderi men polıtseıler jumys istep jatyr. Órttiń shyǵý sebebi anyqtalý ústinde. Órtti sóndirýge Tótenshe jaǵdaılar departamentiniń 97 qyzmetkeri men 25 tehnıka, jergilikti atqarýshy organdardyń úsh qyzmetkeri men úsh tehnıkasy jumyldyryldy»,-delingen habarlamada.

Aqmola oblysynyń Tótenshe jaǵdaılar departamenti óńir turǵyndary men qonaqtaryna órt qaýipsizdigi erejelerin saqtaý qajettigin eskertedi. Órt bolǵan jaǵdaıda dereý 101 nómirine qońyraý shalyńyz.