Şýchınskide QR áskeriniń qurylǵanyna 30 jyl tolýyna arnalǵan spartakıada ótýde
05:12, 13 Naýryz 2022
ŞÝChINSK. QazAqparat – Şýchınsk qalasynda jas patrıottardyń birinshi spartakıadasy bastaldy. Bul týraly QR Qorǵanys mınıstrliginen málim etti, dep habarlaıdy QazAqparat.
Qazaqstan áskeriniń qurylǵanyna 30 jyl tolýyna arnalǵan jarysqa «Jas sarbaz» áskerı-patrıottyq qozǵalysy men «Jas ulan» respýblıkalyq mektepteriniń tárbıelenýshileri, jalpy sany 80-ge jýyq jasóspirim qatysýda.
«Jarystar Shoqan Ýálıhanov atyndaǵy áskerı kolledj jáne Qorǵanys mınıstrligi Ortalyq sport klýbynyń oqý-jattyǵý ortalyǵy bazasynda ótip jatyr.
Tórt kún boıy jasóspirimder pnevmatıkalyq myltyqtan oq atýdan, beltemirge tartylýdan, shańǵy jarysy jáne áskerılendirilgen estafetadan jarysyp, baqtaryn synaıdy.
Jarys qorytyndysy boıynsha jeke jáne komandalyq esepte jeńimpazdar anyqtalady», - delingen mınıstrlik habarlamasynda.