Şýchınsk qalasynda Sádibek Túgeldiń shyǵarmashylyq keshi ótti

NUR-SULTAN. QazAqparat - QR Prezıdenttigine úmitker Sádibek Túgel Şýchınsk qalasynda «Ulaǵatty urpaq - ulttyq ustanym» atty shyǵarmashylyq keshin ótkizdi. Bul týraly kandıdattyń baspasóz qyzmeti habarlady.

Mádenıet jáne óner qyzmetkerleri kúni qarsańynda ótkizilgen keshtiń maqsaty - mádenıet pen ónerdi qoldaý, ulttyq qundylyqtardy ulyqtaý, saılaýshylarmen kezdesý.

Kesh barysynda QR Prezıdenttigine kandıdat Sádibek Túgel shyǵarmashylyǵyna arnalǵan beınerolıkter kórsetilip, jergilikti ánshiler Gúlim Qudysbek, Araılym Saqytbaı, Ómirzaq Qurbanov óner kórsetti.

Óz kezeginde sóz alǵan jazýshy-jýrnalıst Sádibek Túgel «Uly Dala qyrandary» mádenı-áleýmettik qozǵalysynyń atynan prezıdenttikke úmitker retinde qoǵamdyq deńgeıde atqarǵan jumystary, jastardy otansúıgishtikke baýlýdaǵy birlestiktiń orny jaıly áńgimelep, qatysýshylar qoıǵan saýaldarǵa jaýap berdi.